BOGOTA KAMACHINAKUY

AMERICANA LATINAQ, KARIBE IMA HUKLLANAKUYNINMANTA

XIII Internacional Latinoamerikano Yachaywaylluy Huñunakuyman sayamuqkuna, “Amerika Latinaq hinallataq El Karibeq: Hukllanakuynin taripaypi hinallataq Qhepa p’unchayman qhawariypiwan”, Philosofia y Letras Phakutadpa hinallataq Latinoamerikana Yachaywallukuyninpapuwan, Kamachikusqan, Akademika Vicerrectoriaq yanapakusqan, hinallataq Karuman Kicharayaq Hatun Yachaywasi Vicerrectoriaq yanapasqanpas, Humanidades Departamentoq, hunt’asqa yachachiykuypa, hinallataq  chunka pusaqniyoq Phacultadkuna yanapasqan, Hatun Yachaywasi Santo Tomaspi, Iman apakurqan D. C. Bogota llaqtapí, Kolombiapi, 24, 25, 26, 27 intiraymi killa p’unchaykunapi, 2009 watapi.

Reqsikuyku kaykunata:

Amerikana Latinaq hinallataq El Karibeq Hukllanakuyninmi, qhepa pachaman sut’i thaskiynin, waqyakuyninpas ima XVIII pachaka, chawpi, iskay ñeqen, watakunamanta pacha llaqtanchiskunapipas suyunchiskunapipas, qallarirqan

Hukllanakuy munayninchispi qatiq yuyaykunaq muyureqninpi utirqan: Amerikapi, Kolombiapi, Hispanoeamerikapi, Iberoamerikapi, Indoamerikapi, latinoamerikapi, Abia Yalapi, Amerika Andinapi, hinallataq  Patria grande nisqapipas, hoqkunamanta, kikin kayninchispa saphin maskhaypi hinallataq hoqneray  KAY yuyaykuypi hinallataq Latinoamerikano, karibeño kawsayninchispi ima.

Kunan llaqtanchiskunaq hinallataq suyunchiskunaq hukllanakuynin, wayqechanakuynin yuyaykuna ima qallarirqan,  mana haykuy atiy sach’a sach’a ukhukunaq t’aqasqa kasqanmanta pacha, hinallataq  mana tukukuy mamaqochakunaq karunchasqa kasqanmanta pacha, mana wasapay rit’i orqokunaq t’aqasqanmanta pacha, mana tukukuy chala purun panpakunaq t’aqasqa kasqanmanta pacha, mana chinpay atiy mayukunaq t’aqasqa kasqanmanta pacha, Hinallataqmi  t’aqasqa rikukurqanchis, wakin llaqtanchiskunaq otaq hawa llaqtakunaq munaynin raykupas, tukuy imakunan sapallan wat’ata hina t’aqasqata rikuyta munawarqanchis.

Precursornischiskunaq hinallataq Qespichiwaqninchiskunaq yuyayninkupin llaqtanchiskunaq hukllanasqa kaynin allin chaninchasqa karqan ima llaqtakunan tarikurqan Missisipimanta  Kabo de Hornoskama, huk sonqolla kawsananchispaq, qespiynichis markachananchispaq, kawsananchispaqpas, derechonchispi hinallataq wayqepanakuypi, kay urin pachapi kawsananchispaqpas Latinaomerikana hinallataq Karibeña kikinkayninchisqa  askha llaqtakunaq hinallataq yachaytarpuykunaq hukllanakuyninpa rurunmi, imaynan kashan kay suyu llaqtakunaq, europeokunaq, afrikanokunaq, kinsa saphikunamanta hamuqmi kanchis, chaymi hoqneray kanchis,

Llaqtanchiskunapas suyunchiskunapas XIX, XX, XXI pachakawatakuna riqpi, sapan kayninchiskunata wasapaspa, chaniyoq yanapakuy pachakunata kamarqanku, imakunan hamurqan yanapanakuyninchismanta, imaynan kashan: politikopi, wakinkunawan kawsaypi,  musikuypi, yachay tarpuypi,  kuskachaypi, iñiypi, hoqkunakunapiwa ima.

Llaqta-Estado nisqaq kamachinmi Derechos Humanos nisqa amachakuyninpi kawsay, hinallataq Estadokunaq democratizacionninkupipas, runankunaq allin kawsayninkupipas, wayqepana hina musikuypi hoq llaqtakunawan kawsanankupaqpas,

Runaq runa kayninpi teqsechakuspa, tiyasqanchis pachata allinta qhawarikuypi teqsechakuspa, iman kawsayninchispaq mikhuchiwaqnichis,  tukuy ima kawsaqta allin qhawarinapaq,  allin yuyaypi mamapachaq  qhapaq kayninkunata kamachikunanchispaqpas.

Kay pachaq usqhay teqsechakuyninmi, waqyawanchis allin kallpawan yanapanakunanchispaq, huk nisqa hatun llaqtalla hina hukllanakunanchispaq,

RIMARIMUYKU

Qhepa  punchayman kawsayninchispas hinallataq hamuq pachaman thaskiriyninchispas sut’ichakunqa Latianoamerikano karibeño llaqtakunata, huk sonqolla wayqepanakuspa,  yanapanakuspa sumaqta kawsaqtinchis, huk ch’ulla lapharayoqlla, huk apusimillayoq, hanaq hatun runa kayniyoq, musikuypi hukllanasqa,  kuska kayninchis  taripayta thak pacha kawsaypi tarichiwasun.

Kay XIII Hukllanakuy  Kongreso Internacional de Filosofía Latinoamerikana sayamuqkuna, mink’akamuykichis allin reqsikuywan, Latinoamerika y  Karibeño suyu kamachikuqkunata kay kamachinakuykunata, kay yuyaykunapi tawnapakuspa kamachikunankupaq.

Bogota llaqtapi D. C. Kolombiapi, 26 p’unchay intiraymi killapi 2009 watapi, kay huñunakuyman hamuq  Roq’a Mitmakunaq qayllanpi, Kolombia suyupi kawsaqkunaq qayllanpi, hinallataq Kay Hatun XIII Huñunakuy Yachaywallukuyman sayamuqkunaq qayllanpi.

Kay Rimariymi kamakurqanpas, huñikurqanpas: